राजनीति

क्रान्तिकारीहरु प्रतिक्रान्तिलाई रोक्न आजैदेखि गम्भीर हुनुपर्दछ

- चूर्णबहादुर सुनार

क्रान्तिलाई सम्पन्न गर्न धेरै भन्दा धेरै क्रान्तिकारीहरुले रगत बगाउनु परेको इतिहास छ । तर प्रतिक्रान्तिकारीहरुले प्रतिक्रान्ति गर्दा एक थोपा रगत नबगाई प्रतिक्रान्ति सम्पन्न गरेको इतिहास ताजै छ । यसै सन्दर्भलाई लिएर मार्क्सले भन्नुभएको थियो- 'समाजवादी काल भनेको संक्रमण कालिन अवस्था हो । त्यहाँ समाजवादी धारा र पुँजीवादी धाराबीच तीव्र द्वन्द्व भैरहेको हुन्छ । त्यस्तो राजनैतिक संक्रमण कालिन अवस्थामा विजय र पराजयको सुनिश्चित भैसकेको हुँदैन ।' सोभियत संघ र चीनका घटनाक्रमहरु मार्क्सकै व्याख्याअनुरुप छन् ।

यस दुनियाँका बीर क्रान्तिकारी यौद्धाहरुको बलिदानले इ.सं. १९औं शदीको अन्त र २०औं शदीको १७औं वर्षदेखि ४९औं वर्षको समयावधीमा यस पृथ्वीको आधा भू-भागमा सर्वहारा वर्गको समाजवादी राज्यसत्ता थियो । तर आज यस धर्ती विघटनलाई लिएर आफूलाई समयसापेक्ष क्रान्तिकारी भन्नेहरुले मार्क्सले प्रतिपादन गर्नुभएको सर्वहारा वर्गको दर्शनको मूल पक्ष सर्वहारा वर्गको अधिनायकत्व र वर्ग संघर्षलाई परित्याग गर्दै, वर्गसमन्वयवादी खु्रश्चेभी लाइन लिएर बुर्जुवाहरुको अगाडि आत्मर्समर्पण गर्न पुगेका छन् । भने सर्वहारा वर्गप्रति इमानदार क्रान्तिकारीहरु लाखौं बीर योद्धाहरुको रगतको कदर गर्न, करोडौं श्रमजीवी सर्वहारा, किसानहरुको मुक्तिको सपनालाई साकार रुप दिन दृढ संकल्पित छन् ।

२१औं शदीका क्रान्तिकारीहरु क्रान्तिकारी भएर मात्र पुग्ने छैन । क्रान्तिकारीहरु दूरदर्शी, क्रान्तिप्रति चिन्ता, पार्टीको नीति निर्णयलाई कार्यान्वयन गर्दा अपनाएको कार्यशैलीको समीक्षा, वर्तमान समाजको अगाडि अत्यन्त भद्र, शालिन, सभ्य, बलिदानी भावना, क्रान्तिप्रति चिन्ता, विश्वास, इमानदार र जनताको नजरमा आँखाको नानी र दुश्मनहरुको अगाडि बम बन्न आवश्यक छ । हामीलाई यतिले मात्र पुग्ने छैन । र, यस दुनियाँमा सर्वहारा वर्गको समाजवादी राज्यसत्ता किन धराशाही हुन पुगे - किन क्रान्तिकारी पार्टीभित्र घुस्न सफल भैरहेका छन् पुँजीवादका एजेण्टहरु - त्यसलाई रोक्न के विधि अपनाउनु पर्दछ । प्रतिक्रान्तिकारीहरुको प्रतिक्रान्ति गर्दा किन मौन र्समर्थन जनाउन पुगे ती वीर क्रान्तिकारीहरुले - ती क्रान्तिकारीहरुमा कहाँनिर रह्यो कमजोरी - के क्रान्तिकारीहरुको कर्तव्य क्रान्ति मात्र गर्ने प्रतिक्रान्तिलाई रोक्ने होइन - भावी दिनहरुमा सर्वहारा वर्गले प्राप्त गर्ने राज्यसत्तालाई दीर्घजीवी बनाउन रुसदेखि चीनसम्मको घटनाक्रमलाई गहिरो अध्ययन गर्न जरुरी देखिन्छ ?

क्रान्ति सम्पन्न गर्न, राज्यसत्तँ प्राप्त गर्न र प्राप्त गरेको राज्यसत्तँलाई दीर्घजीवी बनाउन र समाजवाद, साम्यवादी समाजसम्म पुर्‍याई अशान्तिपूर्ण पृथ्वीलाई शान्तिमा परिणत गर्न २१औं शदीका क्रान्तिकारीहरु पनि चिन्तिन हुन आवश्यक छ । रुस, चीनका घटनाक्रमहरुलाई गम्भीर अध्ययन र विश्लेषण गर्दा के निश्कर्ष निस्कन्छ भने, क्रान्ति सम्पन्न गर्ने, राज्यसत्ता प्राप्त गर्ने र प्राप्त राज्यसत्तँलाई कसरी टिकाउने भन्ने विषयमा लेनिन स्टालिन र माओले मात्र चिन्ता गरेको देखिन्छ । माओ, लेनिन र स्टालिनको निधनपश्चात् प्रतिक्रान्ति हुनु र उक्त प्रतिक्रान्तिको विरुद्धमा क्रान्तिकारीहरुले विद्रोहको झण्डा नउठाउनुले यही प्रमाणित गर्दछ कि क्रान्ति, राज्यसत्ताको चिन्ता नेतृत्वलाई मात्र रहेछ ।

हामी २१औं शदीका मार्क्सवादी लेनिनवादी र माओवादी हौं । हामीले इतिहासमा घटेका घटनाक्रमहरुबाट पाठ सिक्दै हामीले भविश्यमा प्राप्त गर्ने राज्यसत्तँलाई दीर्घजीवी बनाउन र प्रतिक्रान्तिकारीहरुको सुनियोजित षड्यन्त्रलाई गहिरो अध्ययन गर्न, पार्टी संगठनभित्र घुस्न सफल प्रतिक्रान्तिकारीहरुको चलखेलको पनि गम्भीर अध्ययन गर्न चनाखो हुनै पर्छ । प्रतिक्रान्तिकारीहरु आफ्नो नाता लाग्ने व्यक्ति पनि हुन सक्छ । व्यक्तिको मोहमा हामी क्रान्तिकारी फस्यौं भने प्रतिक्रान्तिकारीहरुले व्यक्ति मोहलाई आधार बनाएर पार्टी संगठनलाई ध्वस्त बनाइदिन सक्छ । जनताको नजरमा पार्टी संगठनलाई जनताको आँखाको कसिंगर बनाइदिन सक्छ । हामी यसप्रति पनि अत्यन्त चनाखो बन्नु पर्दछ । प्रतिक्रान्तिकारी चिन्तन हामीसंग पनि रहेको हुन सक्छ, त्यसलाई आलोचनाको पद्दतीमार्फत् अत्यन्त मैत्रीपूर्ण ढंगबाट बाहिर उजागर गर्न साथीले पिर मान्ला भन्नु हुँदैन । हामीलाई मार्क्सवादले के सिकाएको छ भने व्यक्तिलाई विश्वास पनि गर शंका पनि गर । हो प्रतिक्रान्तिकारी नेता खुश्चेवलाई रुसी क्रान्तिकारीहरुले लेनिन स्टालिनकै समक्षमा राखी विश्वास गरे । परिणाम स्वरुप खु्रश्चेभले क्रान्तिकारीहरुको प्रतिरोध खेप्न परेन र ऊ सफल भयो ।