जस्ताको तस्तै

सहमति सबै हटाउने मति

- गाउँले यात्री

'सहमति' व्यञ्जन वर्णका चार अक्ष्ँरको एक शब्द ! शान्तिभाव प्रकट गर्ने शब्द भएकोले यसलाई सकारात्मक शब्द भन्दा पनि फरक नपर्ला । सहमतिको शाब्दिक अर्थ के हो, त्यतापट्ट िनजाऔं, बरु यसको राजनीतिकरण, राष्ट्रियकरण, भ्रष्टीकरण, भजनीकरण आदि इत्यादि कसरी भैरहेको छ त्यतापट्ट िथोरै हेरौं कि ?

सहमति अर्थात् अंरेजीमा ...! फेरि गाउँले मान्छेले पनि किन अंरेजी लेख्या होला भन्नुहोला । के गर्ने हाम्रो देशाँ तिनै अँरेजी, विदेशी, हिन्दीवाले खैरेमैरे र धोतिवालको हालीमुहाली छ, तिनकै बोलवाला छ, तिनकै शक्ति, भक्ति र जुक्तिको हाई-हाई छ, खाई नखाई, टोपी नलाई उनकै जयजयकार छ । त्यसैले मौका चानसमा यसो अंरेजी हिन्दी घुर्साई हालौं कि भनेर ।

संसारै सहमतिमय छ, मर्दा पर्दा, बिहेबारी गर्दा, विकास गर्दा, निकास खोज्दा, राजनीतिक, आर्थिक, सामाजिक, सांस्कृतिक, भौतिक हरेक क्षेत्रमा सहमतिको लागू अनिवार्य छ । सिंहदरबारदेखि कमालकोटी दरबारसम्म, वासिङ्गटन दरबारदेखि दिल्ली हुँदै नारायणहिटी, बालुवाटार दरबारसम्म सहमतिकै सहयोग लिइन्छ । च्याम्से, चुस्के, स्रि्रे, लुतुरे, फुतुरे, र्सर्ुइखुट्टे, भर्ुइखुट्टेदेखि भुँडीवाल, दाह्रीवाल, ग्वामे, खाप्चे, फ्याते, नाकचुच्चे, भुसतिघे्र, हात्तीपाइलेहरु समस्या पर्‍यो कि सहमतिकै सहारा लिन्छन् । विडम्बना ! अन्तर एउटै छ, सहमतिकै दुनियाँमा कोही दिनदिनै स्रि्राझैं सुक्दैछन् कोही दिनदिनै बङ्गुरझैं फुक्दैछन्, फुल्दैछन् ।

अँ, सहमतिको कुरा गर्दा शुरुमै नेपाल-भारत सुगौली सन्धीसम्झौताको याद आउँछ । सुगौलीको सहमतिले नेपालको आधी भू-भाग भारतलाई उपहार भयो । त्यहीदेखि शुरु भएको सहमतिको क्रम अझैं जारी छ । मातृकाको कोशी सहमति, विपीको गण्डकी सहमति, वर्तमान सेरेमोनियलप्रसादको महाकाली हुँदै पश्चिम सेती सहमति... हजुर यसै भन्न सकिंदैन । निरन्तरताको यो लामबन्दीमा अझै कति हो कति - यो भयो तल्ला घरे धोतीवालसंगको सहमतिको कुरा । घरभित्रका कुरा त बाँकी नै छन् ।