जनतान्त्रिक लुटपाट मुक्तिमोर्चा गोइत समुहको जन्मदेखि थालिएको 'मधेश मुक्ति अभियान'को यात्रामा ज्वालासिंह, भालासिंह, विष्फोटसिंह, उपेन्द्र, लुकेन्द्र, ढुकेन्द्र, टार्इगर्स, वियर्स हुदै अहिलेसम्म आउ“दा नेपालको दक्षिणी क्षेत्रमा थुप्रै 'मधेश मुक्तिदाता'हरु जन्मिसकेका छन् । जसले पछिल्लो चरणसम्म आउ“दा झण्डै डेढसय पचास जति नेपाली नागरिकहरुलाई बोझिलो सांसारिक जीवनबाट पूर्ण मुक्ति मात्र हैन कयौंलाई अर्धमुक्त अवस्थामा समेत पुर्‍याइसकेका छन् । उता तर्राईमा बसेका 'पहाडियाहरु' मुक्तिको लामो सास फर्ेदै पहाडतिरै उकालो लागिरहेका छन् । यही सिलसिलामा मधेश मुक्तिको लागि भनेर भर्खरै अर्को मोर्चा जन्मिएको छ- 'महन्तको नया“ पार्टी' अर्थात् स्पष्ट र सरल भाषामा यसो भनौं -'अ'तान्त्रिक महन्त मुर्कुट्टा मधेश मुक्ति दल ।'

पर धान मन्त्री कोइरालापुत्री सुजाता उर्फ कुजाता जोष्टले गत साता दङ्गालीहरुको माझ आफ्नो मनभित्र गुम्सिएको मायाप्रेमको गा“ठो छताछुल्ल बनाएकी छिन् । नया“ प्रेमी लोकतान्त्रिक गिरे मन्त्री किष्णप्रसाद सिलौटाले धोका दिएको भन्दै कुजाताले फेरि पुरानै प्रेमी निरंकुश नारायणहिटीप्रसाद माइलादाइ नै अंगालेको स्पष्ट पारेकी छिन् । नवप्रेमी लोकतन्त्रले गणतान्त्रिक नानुस“ग सम्बन्ध बढाएको भन्दै उनले स्वच्छ छवि, निष्कलंक र आफ्नो मुटुको टुक्रा उनै देश खाइ शेष भएर भेष बदलेका प्यारा राजतन्त्र अर्थात् माइलादाइस“गै जीवन बिताउने बताइन् ।

उसो त उनको पूर्व प्रेमी माइलादाइप्रतिको आशक्ति न त हिजो नै कम भएको थियो न आज । तर बाउआमाको करले केही दिनलाई उता माया मारेजस्तो गरे पनि भुसको आगोझैं माइलादाइस“ग सल्किएको मायाको आगो फेरि दन्किएको छ । बाआमा र गाउ“लेहरुले बसालिदिएको लोकतन्त्रस“गको माया पिरती परालको आगोझैं एकैछिनमा सामसुम भएर निभेको छ ।

खैर, जसले जे गरेपनि, कुजाता म्याडम माइली भाउजु भएपनि माइलादाइस“गै सति गएको यो गाउ“लेको कानले भने सुन्नु नपरोस् । अहिलेलाई यत्ति कामना गरौं, आवश्यक परेछ भने अरु कामना पनि गर्दै गरौंला । हैन र ?