सामयिकी

मेची महाकाली युवा मार्च अभियान : छोटो चर्चा

- सुवास थापा

'राष्ट्रियता र गणतन्त्रको लागि मेची महाकाली यूवा मार्च अभियान' नामक महान र वहुआयामिक अभियान योङ्ग कम्युनिष्ट लिग नेपालको केन्द्रीय समितिको निर्णय र नेतृत्वमा संचालन भइरहेको छ । यो अभियान मंसिर १५ गते काठमाण्डौमा उद्घाटन भएर पूर्व इलामदेखि पश्चिम टनकपुर हुँदै पौष २१ गते काठमाडौमै समापन हुने छ । अभियानका उद्देश्यहरुको सम्बन्धमा छलफललाई अगाडि बढाउन आवश्यक छ ।

पृष्ठभूमि ः १९ दिने जनआन्दोलन पछि शुरु भएको शान्ति प्रक्रिया एउटा भिन्नै प्रकारको युद्ध मोर्चा बन्यो । त्यसो त युद्ध पनि एउटा राजनैतिक संघर्ष कै भिन्न र उच्च रुप हो । साम्राज्यवादी, विस्तारवादी र तिनका नेपाली नोकरहरुका रुपमा कृयाशिल दलाल तथा नोकरशाही पुँजीपति वर्गका प्रतिनिधिहरुसंग हाम्रो वार्ताको भिडन्त शुरु भयो । उनीहरु हामी र हाम्रो वर्गलाई वार्ताको अदृश्य माध्यमबाट आत्मर्समर्पण गराउने, तहस नहस पार्ने र सर्वहारा आन्दोलनलाई 'डिस्ट्रोय' गर्ने योजनामा आएर नेताहरुलाई सिंहदरवारमा र मन्त्रालयमा झुलाएर बिगानेेनमुक्तिसेनालाई व्यारेकमा कैद गर्दै र हतियारमा ताल्चा मार्ने तल्ला कार्यकर्ताहरुलाई गुण्डा र लठैतहरुको बलमा डाँडा कटाउने उनीहरुको योजना स्पष्ट बुझिन्थ्यो । त्यसको 'काउण्टर प्लान' स्वरुप हाम्रो पार्टीले विभिन्न योजना बनाउने र त्यो मध्य एउटा वाइसिएल रुपी मिलिट्यान्ट युवा शक्तिको निर्माण गर्‍यो ।

वाइसिएलले जब देशव्यापी पहल लियो । काँगे्रसी गुण्डाहरु एकपछि अर्को गरी अस्पतालको शैया रिजर्भ गर्न थाले । त्यसपछि काँगे्रसको योजना असफल हुनथाल्यो । उसको राजनैतिक तरिका, परम्परा र शैली वाइसिएलको धरापमा पर्‍यो । त्यसकारण काँगे्रसले जेष्ठको चुनाव नगर्ने षड्यन्त्र गर्‍यो । यदि हामीले प्रतिरोध नगरेको भए हामीलाई त्यो भन्दा दशौं गुणा बेहाल बनाउने योजना उनीहरुको थियो । त्यो त हाम्रो बाध्यता बस गरिएको प्रतिरोध मात्रै थियो । जर्ज सैण्डले भने झैं- 'लड या मर, हिसात्मक संघर्ष गर या अस्तित्व बिहिन हौं' भन्ने अवस्था उनीहरुले नै पैदा गरेर प्रतिरोधको बाध्यता भयो । त्यसबेला देखि अहिलेसम्म उनीहरु निरन्तर वाइसिएलको खेदो खन्न लागि परेका छन् । 'बाउ खाने बोक्सा'झैं मानेका छन् वाइसिएललाई उनीहरुले । प्रचारका सबै तरिका र माध्यम प्रयोग गरी वाइसिएल एउटा अराजक, अनुशासनहिन र बुदुहरुको संगठन हो भनेर बदनाम गर्न गोयबल्स शैलीको प्रयोग गरिरहेका छन् । त्यसको लागि उनीहरु करोडौं डलर खर्च गरिरहेका छन् । हुन त एउटा क्रान्तिकारी संगठनलाई बदनाम गर्न साम्राज्यवादले अरबौं डलरको खोलो बगाएको कुरा कुनै नौलो विषय पनि होइन । यदि उनीहरुले भने जस्तो गरी वाइसिएलकै कारणले माओवादी पार्टीको छवि व्रि्रदै गएको हो, राजनैतिक आयतन घटेको हो भने उनीहरु आनन्दले खुशी मनाउँदै बस्नु पर्ने हो नि - किन रातदिन वाइसिएलकै पछि लागेर भ्याई नभ्याई गर्नु परेको छ उनीहरुलाई - त्यसकारण वाइसिएल बिग्रिएको नभएर वाइसिएलको कारणले उनीहरु बिग्रिएको भन्ने कुरा बुभन आवश्यक छ । तर यति हुँदाहुँदै पनि जनसमुदायमा अवश्य केही भ्रम पर्न गएको छ । यथार्थ कुरा हामै्र मुखबाट सुन्न र व्यवहारबाट बुभन पाएका पनि छैनन् । यो अपूर्णतालाई पूरा गर्न र हाम्रो संगठन स्पष्ट वैचारिक र राजनैतिक लक्ष्य बोकेको संगठन हो र यो वास्तविक परिवर्तनको बाहक संगठन हो भन्ने कुरालाई थप स्पष्ट पार्न यो अभियान संचालन गरिएको हो ।

राजनैतिक उद्देश्य ः नेपालको इतिहासमा एउटा युगान्तकारी महत्व राख्ने गरी सम्पन्न भएको विशेष अधिवेशनद्वारा पारित भई सरकारलाई कार्यान्वयनको लागि निर्देशन गरिएका मुद्दाहरुलाई व्यापक प्रचार प्रसार गर्ने, त्यसको पक्षमा शसक्त जनआन्दोलनको वातावरण तयार पार्ने र यसलाई आम बहसद्वारा जनदवावको पृष्ठभूमि खडा गर्ने नै यसको प्रमुख राजनैतिक उद्देश्य हो । नेपाल र नेपाली जनताको समुन्नत भविश्य कोर्ने विचार र योजना कुन पार्टीको छ - वास्तविक रुपमा बहुसंख्यक उत्पीडित जनताको प्रतिनिधित्व कसले गर्छ - भन्ने कुरा विशेष अधिवेशनले स्पष्ट गरेको छ । को गणतन्त्रवादी हो र को होइन - कसले आमूल परिवर्तनद्वारा देशको विकास गर्न चाहन्छ र कसले चाहन्न भन्ने कुरा पनि स्पष्ट भएको छ । बहस, छलफल र सिद्धान्तका कुरा गर्दा कसले के भन्छ भन्ने कुरा मुख्य होइन, कसले तत्कालिन आवश्यकता अनुसार व्यवहारमा हामफाल्छ भन्ने कुरा नै मुख्य हो । सब भन्दा बढी युद्धको विरोध जर्ज वुशले गर्छ जो यो दुनियाँकै सबभन्दा क्रुर रक्तपिपासु हो । सबभन्दा ठूला प्रजातन्त्रका कुरा ज्ञानेन्द्रले गथ्र्यो, अहिले पाकिस्तानका तानाशाह मर्ुर्सरफले गर्छ अनि भुटानको जिग्मेले गर्छ । त्यसकारण वास्तविक अग्रगामी शक्तिको हो र यथास्थितिवादी तत्व कुन हो भन्ने कुरा पनि स्पष्ट पार्नु छ । दोस्रो कुरा संसदको निर्णय र आदेशलाई सरकारले पालना गर्नुपर्छ कि पर्दैन - सरकारले संसदको आदेश उलंघन गर्दै गएपछि संवैधानिक सर्वोच्चता को उपहास भएन र - सरकार ठूलो की संसद - सहमतिकै कुरा गर्ने हो भने पनि बहुमतको सहमति लागू हुनेकी एउटा दल विशेषको अडान - सामान्य अनुशासन र नियमलाई पनि नमानेर आफ्नै मनोगत डम्फु बजाइरहने हो भने त यो अन्यौलता कहिले अन्त्य हुँदैन । फेरि काँगे्रसनै शान्ति प्रक्रियाको एक मात्र कुँजी पार्टी पनि त होइन । ऊ विद्रोही दल पनि होइन । जनआन्दोलनमा उसले मात्रै जादु देखाएको कुरा पनि होइन र यो उपलब्धी उसको निजी सम्पत्ती पनि होइन । बरु नोट अफ डिसेन्ट लेखेर भए पनि सहमतिमा आउनु उसको नैतिकता ठहर्छ । त्यसैले काँगे्रसको सामु अब दर्ुइवटा विकल्प छन् १) सहमतिमा जानु २ ) गिरिजाले असफल भएको घोक्षणा गर्दै राजिनामा दिनु । संविधानको पालना काँगे्रसले गर्ने कि नगर्ने - वास्तविक रुपमा संविधानको उलंघन काँगे्रस र गिरिजाले गरिरहेका छन् । यो कुरा जनतालाई बुझाउनु अभियानको एउटा राजनैतिक उद्देश्य हो ।

राष्ट्रियताबारे डेमोक्रेसीको कुरा गरेर राष्ट्रियतामाथि बलात्कार गर्ने वा बलात्कारीहरुसंग सहकार्य गर्ने प्रवृत्ती पुराना नेपाली संसदवादी राजनीतिको मूलप्रवाह हो । डेमोक्रेसी जति राम्रो भए पनि त्यहाँ राष्ट्रियता बलियो भएन भने त्यो डेमोक्रेसी पनि समाप्त हुन्छ । जस्तैः सिक्किम । जहाँ डेमोक्रेसीको कुरा गर्दै राष्ट्रियताको विक्री गरिएको थियो नेपालीको पनि त्यही अवस्था हुँदैछ । यदि राष्ट्रियताको रक्षाको विषयलाई ख्याल गर्न सकिएन भने त्यो भन्दा ठूलो अज्ञानता अरु हुने छैन । त्यसको मुख्य शक्ति नै युवा हो । युवाहरु आफ्नो देशको अस्मिताको रक्षा गर्न इच्छुक भएनन् भने त्यो देश निकै निरिह हुन्छ । त्यसकारण नेपाली युवाहरुको मूल प्रवाह र अग्रदस्ता हाम्रो संगठन वाइसिएल, नेपाल राष्ट्रियताको पक्षमा सशक्त आवाज उठाउँछ र आवश्यक परे लाखौंको संख्यामा संगठित भएर राष्ट्रियताको निम्ति लड्न तयार छ । हामी यो अभियानद्वारा जनतामा यो सन्देश पुर्‍याउन र हस्तक्षेपकारीहरुलाई ठाडो चुनौती पुर्‍याउन चाहन्छौं ।