यतिखेर बेनजीरको हत्यापछि राष्ट्रिय शोक मनाउने र उनको हत्यारालाई कडा कारवाही गर्ने निर्णय गरेर लोकप्रिय हुन खोजे पनि मुर्सरफको यो निर्णय केवल गोहीका आ“सु मात्र भन्न सकिन्छ । किनभने उनकै शासनकालमा भुट्टोका दुइवटा भाइहरुलाई षडयन्त्रद्वारा हत्या गर्ने र फा“सी दिने काम गरिएको हो । अहिले भुट्टोको परिवारको हत्या भइसकेको छ ।

भारतमा नेहरु र गान्धी परिवारको जस्तै पाकिस्तानमा भुट्टो परिवारको हत्या भएको छ । उनीहरुको हत्या हुनुमा स्वयं उनीहरुले अवलम्बन गरेको राजनीति पनि जिम्मेवारी हुन सक्छ । तर जे भएपनि सैनिक तानाशाही सत्ता र औपनिवेशिक शोषणका विरुद्ध उनीहरु संघर्षरत थिए । कम्तिमा पू“जीवादी प्रजातन्त्रका पक्षधर भएकै कारण कट्टरपन्थी एवं तानाशाही शासकहरुको शिकार बन्नुपरेको छ । पछिल्लो अवधीमा बेनजीरले पनि अमेरिका परस्त राजनीति गरेकाले पाकिस्तानको राष्ट्रवादी शक्ति उनको विरोधी भएर देखा परिरहेका थिए । अन्ततः अमेरिकी शासकवर्गको नीति के रहदै आएको छ भने आफ्नो स्वार्थ पुरा हुदासम्म उपयोग गर्ने र स्वार्थ पुरा हुने नदेखिएमा सके आफै हत्या गर्ने नभए अरु कुनैबाट षडयन्त्रमा फसाउने र त्यसको सट्टामा अर्को पप्पेड नियुक्ति गर्ने रणनीति रहिआएको छ । यतिखेर बेनजीरको हत्यामा उसको संलग्नता हुन नसक्ला तर उसको कथित प्रजातन्त्रको भने उपहास भएको छ ।

भुट्टोले संचालन गरेको प्रजातान्त्रिक आन्दोलनले पाकिस्तानका समग्र उत्पीडित वर्गको मुक्ति र स्वतन्त्रता दिन नसकेता पनि सैनिक फा“सीवादका विरुद्ध भने दृढतापुर्वक खडा भयो । पछिल्लो अवस्थामा मुर्सरफलाई समेत सैन्य नेतृत्व छोड्न बाध्य पार्‍यो । यसरी फा“सीवादलाई घु“डा टेकाउन बेनजीर सफल भइन् । गैरसैनिक शासन गर्न मर्ुर्सरफ बाध्य भए । यद्यपी सैनिक पद छाडेपनि सेना मुर्सरफकै वफादार रहेको र उसको शासनशैली तानाशाही प्रवृतिकै छ ।

बेनजीरको हत्याले आसन्न निर्वाचनको परिणाम पनि बलप्रयोगद्वारा मर्ुर्सरफले नै हत्याउने निश्चित भएको छ । यसले के देखाउ“छ भने आखिर दुनिया“का फासिष्ट शासकहरु कुनै न कुनै रुपबाट भएपनि आफ्नै शासन कायम गर्न चाहन्छन् । चुनाव त केवल उनीहरुको देखाउ“ने दा“त मात्र हो भन्ने कुरा फेरी एकपटक नाङ्गो रुपमा देखिएको छ । यसले नेपालमा हुने संविधान सभाको चुनावमा पनि प्रभाव नपार्ला भन्ने केही छैन । सैनिक शासकको रुपबाट अघिल्लो पटक मुर्सरफले गराएको चुनाव र ज्ञानेन्द्रले गराएको नगर निर्वाचनको समान तुलना गर्न सकिन्छ भने यतिखेर बर्दी फुकालेका मर्ुर्सरफले गराउन खोजेको चुनावसंग गिरिजाले गराउन खोजेको संंविधान सभाको चुनावलाई एउटै तुलना गर्न सकिन्छ । किनकि अहिलेसम्म संविधान सभाको चुनावको ग्यारेण्टी हुन नसक्नुको कारण मुर्सरफकै शैलीमा चुनाव गराउन खोज्नु हो । त्यो देखाउने चुनाव मात्र हुनेछ । अहिले नेपालमा संसदवादी दल र माओवादी बीचको अन्तरविरोध यहीनिर हो । चुनावलाई र्सार्थक बनाउने कि मुर्सरफ शैलीकै बनावटी भन्ने नै मुल मुद्दा हो । यदि चुनावलाई र्सार्थक, निश्पक्ष र धा“धलीरहित बनाउने हो भने जनयुद्ध र जनआन्दोलनको सही मुल्याङ्कन हुनुपर्छ र त्यसको उच्च सम्मान गर्दै त्यसवाट आर्जित शक्तिको नेतृत्वमा चुनाव हुनुपर्छ । बेनजीर भुट्टोको हत्या प्रकरणले दिएको नकारात्मक सन्देश यही हो । होइन भने बेनजीरहरुलाई षड्यन्त्रद्वारा सिध्याउने शासक र उनीहरुको वर्गले नेपालका क्रान्तिकारी वर्गलाई सजिलैसंग चुनावमा प्रतिस्पर्धा गर्न देला भनेर कल्पना गर्नु आत्मघाती कदम बाहेक अरु केही हुदैन । २०६४/९/१४