कला/संस्कृति/साहित्य

संस्मरण/अनुभुति

सञ्चार/जनजाति/मोर्चा/संगठन

शहिद गाथा/संघर्षमय जीवन/सहिद परिवारको आवाज

• क्रान्तिकारी योद्धा हिरा चौधरी (क.जलन) - चेतन कुँवर

आधा आकास

शुभकामना/जनगुनासो

सम्पादकीय

 राजतन्त्रको अन्त्य र जनताको विजय

पुस ९ गते भएको सात दलीय सहमति बमोजिम अन्तरिम सम्विधान संशोधन गरिएमा नेपालबाट राजतन्त्रको विधिवत अन्त्य हुनेछ । यसरी दुइसय उनान्चालीस वर्षदेखि अवतारको रुपमा जरा गाडेको राजतन्त्र अब सदाका लागि नेपालबाट बिदा हुनेछ । ९ गते भएको सात दलीय सहमतिको सबैभन्दा महत्वपूर्ण उपलब्धी यही हो । यस अघि संविधान-सभाको चुनावपछिको पहिलो बैठकमा बहुमतद्वारा राजतन्त्र हटाउन सकिने कुरा संविधानमा उल्लेख थियो । त्यसले राजतन्त्र नहटाउन पनि सकिने प्रावधान यथावत थियो । किनभने संविधान-सभाको चुनावपछि क्रान्तिकारीहरुको प्रतिनिधित्व कम भएमा राजा राख्न पनि सक्दथे । तर अहिलेको सम्झौताले त्यो अवस्थाको अन्त्य गरिदिएको छ ।

यो सबै अधिकार प्राप्त गर्न जनयुद्ध र जनआन्दोलनका ताकतले सम्भव भएको हो । यो जनताको ऐतिहासिक विजय हो । यतिखेर आफूलाई राजतन्त्रसंग घा“टी जोडेर राजतन्त्रलाई कुनै न कुनै रुपले बचाउन खोज्ने तत्वहरुले राजासंग सम्बन्ध विच्छेद गर्न बाध्य भएका छन् । यो उनीहरुको हार हो । यसले राजावादीहरुको हार गराएको छ । तर यति गरेर जनता ढुक्क हुने स्थिति भने छैन । आफ्नो अस्तित्व समाप्त भएको राजाले झोली तुम्मा कसेर सन्यासी जीवन बिताउन का“सीको यात्रा सहज रुपले गर्ने छैनन् । राजा र राजतन्त्रप्रतिको बफादार र मनोवैज्ञानिक रुपले अन्ध भक्त नेपाली सेनामा राजसंस्थाको पकड कायमै छ । त्यो सेनाले सहजै ज्ञानेन्द्र र उनका सबै शाही परिवारलाई कुकुरले छोडेको हाड बनाएर नारायणहिटी दरबारबाट निस्कने छैन । त्यसैले जनताले सदैव सचेत भएर प्रतिगामी हरकतका विरुद्ध दह्रो मुकाविला गर्न तम्तयार रहनु पर्दछ ।

यतिखेरको सहमतिको अर्को उपलब्धी भनेको दुवै सेनाको समायोजन, द्वन्द्व पीडितहरुलाई राहत उपलब्ध गराउने, जनमुक्ति सेनाको भरणपोषण र पारिश्रमिकलाई सुनिश्चित गर्ने, वेपत्ता नागरिकको स्थिति छिटो सार्वजनिक गर्ने जस्ता विषय संविधानमा उल्लेख गरी कार्यान्वयन गर्ने र चैत्र मसान्तसम्म चुनाव गराउने कुरा हो । अब कुनै पनि दलले बहाना बनाएर चुनावबाट भाग्न पाउने छैनन् । साथै चुनावलाई साम्राज्यवादी र विस्तारवादीहरुको इसारामा विथोल्ने, भा“ड्ने र धा“धली गर्ने हरकत गरेमा जनताले विद्रोह गर्नेछन् र त्यही विद्रोहबाट त्यस्ता प्रतिगामी तत्वहरुलाई ध्वस्त पार्नेछन् ।

यसप्रकार सात दलबीच भएको २३ बु“दे सहमतिका कारण सम्पूर्ण प्रतिगामी शक्तिहरुले पनि ठूलो पराजयको परिणाम भोग्नुपरेको छ । यसले उनीहरु मुरि्छत भएका छन् । तर्सथ अब उनीहरुले अरु केही नया“ हरकत गरेर चुनावलाई अनिश्चितताको घेरामा फसाउने षड्यन्त्र नगर्लान् भन्न सकिंदैन । किनभने यो सहमति राष्ट्रियताको सवालसंग पनि जोडिएको छ । यतिखेर राष्ट्रियता अत्यन्तै खतरामा रहेको छ । अब संविधान-सभाको चुनावको मुद्दा राष्ट्रियता बन्नेछ । राष्ट्रियतामा हुने विदेशी शक्तिकेन्द्रहरुको हर्कत र स्वदेशी लेण्डुपहरुका नया“ संस्करणका विरुद्ध सम्पूर्ण शक्ति एक हुनु परेको छ । यससंगै सहमति कार्यान्वयन गराउन जनतालाई सचेत बनाउन र खबरदारी गर्नु आजको आवश्यकता हो ।

पुराना अंकहरु

वर्ष १०, अंक ६, २०६४ पुस ८ गते आइतबार  (23 December 07)

वर्ष १०, अंक ५, २०६४ पुस १ गते आइतबार  (16 December 07)

वर्ष १०, अंक ५, २०६४ पुस १ गते आइतबार  (09 December 07)

वर्ष १०, अंक ३, २०६४ मंसीर १६ गते आइतबार (02 December 07)

वर्ष १०, अंक २, २०६४ मंसीर ९ गते आइतबार (25 November 07)

वर्ष १०, अंक १, २०६४ मंसीर २ गते आइतबार  (18 November 07)

बर्ष ९ का अंकहरु

उपसम्पादक : रामु वि.क., डिल्ली मल्ल